Ang Alyansa ng mga Magbubukid sa Gitnang Luson , AMGL - Nueva Ecija , Anakpawis Partylist-Gitnang Luzon at Kumperensya ng Magsasaka ng Nueva Ecija (Kumperma - NE) ay mariing kinokondena ang pagbaha ng imported na sibuyas sa Nueva Ecija. Ayon sa mga magsasaka, ito ay magreresulta ng napakababang presyo ng sibuyas at pagkalugi, dagdag sa pasaning nararanasan sa kamay ng mga panginoong maylupa at traders. Kaya, nagkaisa ang mga magsasaka sa sibuyas na labanan ang importasyon gayundin panawagang maging P30 kada kilo ang presyo nito sa isang asembliya na ginanap noong Pebrero 12, 2012, sa bayan ng Bongabon. Ito ay dinaluhan ng mahigit 100 magsasaka ng sibuyas at sinuportahan ng iba’t ibang organisasyon kasama ang local government unit (LGUs).
“Bumabaha ang batayan kung bakit kailangang magkaisa ang mga magsasaka sa sibuyas para labanan ang pagbaha ng imported na sibuyas sa Nueva Ecija. Partikular sa Guimba, napakababa ng presyo ng sibuyas: noong 2001 ay P5 kada kilo ang oversized na sibuyas at P6 ang good; 2004 -P8 at P9; 2007 ay P9 at P10 at 2010 ay P10 at 9. Ayon sa mga magsasaka, palaisipan sa kanila ang napakababang presyo na ito tuwing eleksyon,” ayon kay Aquilino Lopez, Tagapangulo ng AMGL-NE.
“Sa kabila ng napakahirap ng paghahanda, pagtatanim at pag-aalaga ng sibuyas, ang napakababang presyo nito’y naglulugmok sa mga magsasaka sa kahirapan at pagkalugi. Ibang usapin pa, ang samu’t saring porma ng panghuhuthot mula sa napakataas na usura at presyo ng buto at inputs sa kamay ng mga panginoong maylupa,” dagdag ni Lopez.
Ang pagbaha ng imported na sibuyas sa Nueva Ecija ay dulot ng pagbibigay ng Department of Agriculture ng “permit” sa mga importer. Ayon sa mga magsasaka, batay sa nakalap nilang impormasyon, may isang importer mula sa Sta. Rosa na nakapagpasok ng 50 container vans ng sibuyas noong Disyembre 3, 2012 at kasalukuyang nakaimbak sa isang storage warehouse. Kaugnay nito, may inaasahan pang importasyon ng sibuyas ngayong Pebrero at sa susunod na buwan. Nabalitaan din ng mga magsasaka na kasalukuya’y may 179 importers na nabigyan ng permit ng DA. Ayon pa sa mga magsasaka, malaki ang papel ng Free Port sa Dingalan, Aurora para sa pagpuslit ng mga imported na sibuyas. Ilan dito’y dinala sa storage warehouse sa Palayan City at iba pang lugar sa probinsya.
“Matagal nang panawagan ng mga magsasaka sa sibuyas sa Nueva Ecija at ilang bahagi ng rehiyon na itigil na ang pagbibigay ng “importation permit” at bumaklas na ang bansa sa patakarang liberalisasyon sa agrikultura sa ilalim ng World Trade Organization o WTO,” ayon kay Joseph Canlas, Tagapangulo ng AMGL at Coordinator ng Anakpawis Partylist-Gitnang Luzon.
Sa kasalukuyan, sa pangunguna ng AMGL-NE at KumperMa-NE, ang mga magsasaka ay nagkakaisa para labanan ang pagbaha ng imported na sibuyas at maipataas sa P30 kada kilo ang sibuyas. Sila ay naglunsad ng mga talakayan,forum, dialogue, protesta at iba pang porma ng pagkilos para makahamig ng suporta mula sa mamamayan ng Nueva Ecija.
"Kaugnay nito,inihahapag ito ng mga magsasaka sa mga lokal na pulitiko bilang isa sa mga mayor na agenda sa kasalukuyang kampanyang Elektoral 2013,” banggit ni Lopez.
"Ang pagsasaka ng sibuyas ay isang halimbawa ng mala-pyudal na kaayusan ng ekonomiya, kung saan diktado ng mga monopolyong panginoong maylupa at negosyante ang merkado, puhunan at kagamitan, ang mga presyo at daluyan ng produkto, hindi isinasaalang-alang ang halaga ng pagpapagod ng mga magsasaka, kung kaya't sila ay nababaon sa utang at sa kinalauna'y kawalan ng lupa. Ang sistemang ito ang mismong pinapangalagaan ng mga nagdaan at maging kasalukuyang rehimeng Noynoy Aquino, dahil wala siyang isinulong na patakaran upang ito ay mabago, bagkus, pinalala pa niya sa lalong pag-liberalisa ng agrikultura o pagpapasok ng mga imported na produkto," ani Canlas.
Ipinanawagan ng AMGL at AMGL-NE ang pagbaklas ng bansa sa WTO, upang mapangalagaan ang lokal na produksyong agrikultural at ipawalambisa ang mga patakarang liberalisasyon sa agrikultura. #
“Bumabaha ang batayan kung bakit kailangang magkaisa ang mga magsasaka sa sibuyas para labanan ang pagbaha ng imported na sibuyas sa Nueva Ecija. Partikular sa Guimba, napakababa ng presyo ng sibuyas: noong 2001 ay P5 kada kilo ang oversized na sibuyas at P6 ang good; 2004 -P8 at P9; 2007 ay P9 at P10 at 2010 ay P10 at 9. Ayon sa mga magsasaka, palaisipan sa kanila ang napakababang presyo na ito tuwing eleksyon,” ayon kay Aquilino Lopez, Tagapangulo ng AMGL-NE.
“Sa kabila ng napakahirap ng paghahanda, pagtatanim at pag-aalaga ng sibuyas, ang napakababang presyo nito’y naglulugmok sa mga magsasaka sa kahirapan at pagkalugi. Ibang usapin pa, ang samu’t saring porma ng panghuhuthot mula sa napakataas na usura at presyo ng buto at inputs sa kamay ng mga panginoong maylupa,” dagdag ni Lopez.
Ang pagbaha ng imported na sibuyas sa Nueva Ecija ay dulot ng pagbibigay ng Department of Agriculture ng “permit” sa mga importer. Ayon sa mga magsasaka, batay sa nakalap nilang impormasyon, may isang importer mula sa Sta. Rosa na nakapagpasok ng 50 container vans ng sibuyas noong Disyembre 3, 2012 at kasalukuyang nakaimbak sa isang storage warehouse. Kaugnay nito, may inaasahan pang importasyon ng sibuyas ngayong Pebrero at sa susunod na buwan. Nabalitaan din ng mga magsasaka na kasalukuya’y may 179 importers na nabigyan ng permit ng DA. Ayon pa sa mga magsasaka, malaki ang papel ng Free Port sa Dingalan, Aurora para sa pagpuslit ng mga imported na sibuyas. Ilan dito’y dinala sa storage warehouse sa Palayan City at iba pang lugar sa probinsya.
“Matagal nang panawagan ng mga magsasaka sa sibuyas sa Nueva Ecija at ilang bahagi ng rehiyon na itigil na ang pagbibigay ng “importation permit” at bumaklas na ang bansa sa patakarang liberalisasyon sa agrikultura sa ilalim ng World Trade Organization o WTO,” ayon kay Joseph Canlas, Tagapangulo ng AMGL at Coordinator ng Anakpawis Partylist-Gitnang Luzon.
Sa kasalukuyan, sa pangunguna ng AMGL-NE at KumperMa-NE, ang mga magsasaka ay nagkakaisa para labanan ang pagbaha ng imported na sibuyas at maipataas sa P30 kada kilo ang sibuyas. Sila ay naglunsad ng mga talakayan,forum, dialogue, protesta at iba pang porma ng pagkilos para makahamig ng suporta mula sa mamamayan ng Nueva Ecija.
"Kaugnay nito,inihahapag ito ng mga magsasaka sa mga lokal na pulitiko bilang isa sa mga mayor na agenda sa kasalukuyang kampanyang Elektoral 2013,” banggit ni Lopez.
"Ang pagsasaka ng sibuyas ay isang halimbawa ng mala-pyudal na kaayusan ng ekonomiya, kung saan diktado ng mga monopolyong panginoong maylupa at negosyante ang merkado, puhunan at kagamitan, ang mga presyo at daluyan ng produkto, hindi isinasaalang-alang ang halaga ng pagpapagod ng mga magsasaka, kung kaya't sila ay nababaon sa utang at sa kinalauna'y kawalan ng lupa. Ang sistemang ito ang mismong pinapangalagaan ng mga nagdaan at maging kasalukuyang rehimeng Noynoy Aquino, dahil wala siyang isinulong na patakaran upang ito ay mabago, bagkus, pinalala pa niya sa lalong pag-liberalisa ng agrikultura o pagpapasok ng mga imported na produkto," ani Canlas.
Ipinanawagan ng AMGL at AMGL-NE ang pagbaklas ng bansa sa WTO, upang mapangalagaan ang lokal na produksyong agrikultural at ipawalambisa ang mga patakarang liberalisasyon sa agrikultura. #
RSS Feed
