Mariing kindundena ng Aguman Dareng Maglalautang Capampangan (Amc), Alyansa ng Magbubukid sa Gitnang Luson (Amgl) at Aniban ng Nagkakaisang Mamamayan sa Hacienda Dolores (ANMHD) ang pinakahuling atake ng hinihinalang mga tauhan ng Leonardo-Lachenal Holdings, Inc. (LHI), FL Property Management Corp. (FL PMC) at Ayala Land sa tatlong magsasaka ng Hacienda Dolores sa bayan ng Porac, probinsya ng Pampanga kahapon nang ika-4 ng madaling araw. Ayon sa ulat ng ANMHD, pinagbabaril ng mga security guards at goons ang mga biktimang mag-amang Noel Tumali at Reynold, kasama si Arman Padino habang patungo sa kanilang sakahan upang magtrabaho. Kasunod nito, nag-responde ang mga opisyal at tanod ng barangay na pinaputukan din ng mga salarin. Isinugod ang mga biktima sa Jose B. Lingad Memorial Hospital sa lungsod ng San Fernando. Kritikal ang mga biktimang amang Tumali at Padino, kung saan may tama ng kalibre 45 sa ulo ang huli.
“Walang ibang interes ang mga korporasyong ito kundi kami’y patayin, takutin at ikulong upang agawin sa amin ang lupa. Noong nakaraang taon, sistematiko ang ginawa nilang pamamaril sa amin, paghagis ng granada, iligal na pagpapaaresto at pagpapakulong”, ayon kay Mario Franco, magsasaka ng Hacienda Dolores at tagapangulo ng AMC.
“Walong buwan na kaming hindi nakakapagsaka at sinira nila ang aming mga tanim. Nababalot kami sa poot dahil inalisan nila kami ng aming kabuhayan at sa ngayo’y nakakaranas kami ng matinding hirap at gutom,’’ dagdag ni Franco.
Ayon sa ANMHD, bago ito, iligal na inaresto at ikinulong si Ener Angeles Tolentino noong Enero 8, 2014 ng dalawang pulis ng bayan ng Porac, kasama ang labindalawang security guards at goons. Ang biktima ay kumukuha ng uling sa kanyang sakahan sa Upper Balukbuk nang pagbawalan siya ng mga security guards.
Hanggang sa kasalukuyan, hindi pa rin nareresolba ang mga naunang kaso ng paglabag sa karapatang pantao, tulad ng 26 kaso ng destruction and divestment of properties; iligal na pag-aresto at pagkulong sa 13 magsasaka noong Nobyembre ng taong 2011 at Hulyo ng taong 2013; 2 magkakahiwalay na kaso ng harassment, threat and intimidation at coercion o sapilitang pagpapirma sa isang magsasaka ng waiver ng boluntaryong paglisan sa sakahan.
“Hindi kami mangingiming ipaglaban ang aming karapatan sa lupa at kabuhayan. Malinaw sa amin na walang ibang makakaresolba nito kundi ang aming sama-sama at kolektibong pagkilos” ayon kay Franco.
“Bilang pagkundena, maglulunsad kami ng kilos-protesta sa harapan ng munisipyo ng Porac para kalampagin ang lokal na pamahalaan sa kanilang pagiging bingi at bulag sa problemang nararanasan namin sa Hacienda Dolores”, pagtatapos ni Franco.
Gayundin, nananawagan ng suporta ang mga magsasaka ng Hacienda Dolores sa iba’t ibang sektor upang maipagtanggol nila ang karapatan sa lupa at kabuhayan. #
“Walang ibang interes ang mga korporasyong ito kundi kami’y patayin, takutin at ikulong upang agawin sa amin ang lupa. Noong nakaraang taon, sistematiko ang ginawa nilang pamamaril sa amin, paghagis ng granada, iligal na pagpapaaresto at pagpapakulong”, ayon kay Mario Franco, magsasaka ng Hacienda Dolores at tagapangulo ng AMC.
“Walong buwan na kaming hindi nakakapagsaka at sinira nila ang aming mga tanim. Nababalot kami sa poot dahil inalisan nila kami ng aming kabuhayan at sa ngayo’y nakakaranas kami ng matinding hirap at gutom,’’ dagdag ni Franco.
Ayon sa ANMHD, bago ito, iligal na inaresto at ikinulong si Ener Angeles Tolentino noong Enero 8, 2014 ng dalawang pulis ng bayan ng Porac, kasama ang labindalawang security guards at goons. Ang biktima ay kumukuha ng uling sa kanyang sakahan sa Upper Balukbuk nang pagbawalan siya ng mga security guards.
Hanggang sa kasalukuyan, hindi pa rin nareresolba ang mga naunang kaso ng paglabag sa karapatang pantao, tulad ng 26 kaso ng destruction and divestment of properties; iligal na pag-aresto at pagkulong sa 13 magsasaka noong Nobyembre ng taong 2011 at Hulyo ng taong 2013; 2 magkakahiwalay na kaso ng harassment, threat and intimidation at coercion o sapilitang pagpapirma sa isang magsasaka ng waiver ng boluntaryong paglisan sa sakahan.
“Hindi kami mangingiming ipaglaban ang aming karapatan sa lupa at kabuhayan. Malinaw sa amin na walang ibang makakaresolba nito kundi ang aming sama-sama at kolektibong pagkilos” ayon kay Franco.
“Bilang pagkundena, maglulunsad kami ng kilos-protesta sa harapan ng munisipyo ng Porac para kalampagin ang lokal na pamahalaan sa kanilang pagiging bingi at bulag sa problemang nararanasan namin sa Hacienda Dolores”, pagtatapos ni Franco.
Gayundin, nananawagan ng suporta ang mga magsasaka ng Hacienda Dolores sa iba’t ibang sektor upang maipagtanggol nila ang karapatan sa lupa at kabuhayan. #
RSS Feed
